У галерэі «Парасон» 8 ліпеня мелася адбыцца вечарына пра жыцьцёвы і творчы шлях беларускай паэткі.
Але падзея трапіла пад атаку прапагандыстаў — Азаронак, Гладкая, Гігін, Бондарава ды іншыя абрынуліся на арганізатараў у сваіх тэлеграм-каналах. У выніку абвестка пра вечарыну зьнікла, паведаміла «Еўрарадыё».
Сёньня пра тое, што абвестка пра вечарыну зьнікла і што падзея не адбудзецца, некалькі разоў з радасьцю напісаў у сваім ТГ-канале Рыгор Азаронак.
Пра жыццёвы і творчы шлях Ларысы Геніюш меўся расказаць паэт і даследчык літаратуры Міхась Скобла.
- Ларыса Геніюш (1910–1983) — беларуская паэтка, дзяячка беларускага адраджэньня, захавальніца архіваў БНР. Разам з мужам была пазбаўленая чэскага грамадзянства і выдадзеная ў СССР, грамадзянства якога, нягледзячы на катаваньні і лягеры камуністычнага рэжыму, так і ня ўзяла.
- У 2003 годзе пры зэльвенскай царкве з дабраславеньня мітрапаліта Філарэта ўсталявалі ейны бюст. У 2023 годзе яго цішком прыбралі.